Kua eke a Alien Weaponry, Troy Kingi me Katchafire ki te whiringa toa o Ngā Tohu Puoro o Aotearoa 2018, mo te taonga Ringapuoro Māori a Te Māngai Pāho.
I tauhouanga nei ka kaha kitea te whakarauoratanga o te reo Māori i ngā mahi a te rēhia, i whakarae anō hoki te ahurea Māori i ēnei tokānuku. E whakamānawatia ana rātou mo te kounga o ngā mahi i pahawa i a rātou mo te rāngai puoro o Aotearoa, i te tau ka hori ake nei.
No Waipu a Ethan Trembath rātou ko ngā tungāne ko Lewis, ko Henry de Jong (Ngāti Pikiao, Ngāti Raukawa). Ko rātou te takitoru o te rōpū puoro ngangahu Alien Weaponry, i eke ki te whiringa toa mo tēnei tohu i te tau 2017.
I te tau 2018 i angitū te rōpū nei i te putanga o tā rātou kōpaki waiata tuatahi, o Tū, i te marama o Pipiri. Waihoki me a rātou haerenga ki ngā whetiwara ngangahu kaitā o Ūropi, tae atu ki Wacken Open Air i Tiamani. I eke te waiata Kai Tangata a Alien Weaponry ki te taumata tuatahi o te rārangi waiata whakahirahira ‘Devil’s Dozen’ a Sirius XM (Te Āporo Nui).
Nō te Whiringa-a-Rangi o te tau 2017 ka whakaputaina e te kaiwaiata whakaawe wairua o Kerikeri, e Troy Kingi (Te Arawa, Ngāpuhi), tana kōpaki waiata tuarua Shake That Skinny Ass All The Way to Zygertron. He kōpaki kaiora tēnei e kōmitimiti ana i ngā tāera pakimaero kohuki, mātai hangarau, pōhewanga anō hoki o ngā tau 1970.
I tua atu i te hopuoro e mōhio whānuitia ana a Kingi mo ana mahi whakaari – i āpiti ia i te kaihautū o Ngā Tohu Puoro o Aotearoa 2018, i a Stan Walker, i te kiriata rongonui o te tau 2016 Hunt For The Wilderpeople a Taika Waititi, ā, tae atu ki te kiriata Mt Zion.
Kua tina te noho o ngā toa whakaihuwaka i te tohu Tui ‘Hoko Waiata Takitahi’ (2003), arā, a Katchafire, ki te toi o ngā rōpū rekereke pūharu i te ao. E whakanuia ana te rōpū nō Kirikiriroa mo te angitū o tā rātou kōpaki waiata tuaono Legacy, i whakarewaina i te tau 2018.
Ko ngā kaipuoro o te kapa ko Logan Bell (Tainui, Ngāti Toa Rangatira, Ngāti Koata, Ngāpuhi), rātou ko Jordan Bell (Tainui, Ngāti Toa Rangatira, Ngāti Koata, Ngāpuhi), ko Grenville Bell (Tainui, Ngāti Toa Rangatira, Ngāti Koata, Ngāpuhi), ko Tere Mateora Ngarua (Ngāti Te Wehi, Tamarua, Mangaia), ko Hani Totorewa (Tainui-Waikato), ko James Ferguson (Ngāti Kahungunu), ko Leon Davey (Rereahu, Ngāti Porou). Koinei tētahi o ngā tino āpārangi i ngā rārangi waiata o te raumati, o ngā kaupapa ngahau huhua anō hoki.
Hei tā te Manahautū o Recorded Music New Zealand, a Damian Vaughan, he inati te pai o ngā pūmanawa Māori i te rāngai puoro o Aotearoa.
“Ahakoa ia te ngoto o te reo Māori i ngā rerenga auau a Alien Weaponry, tae atu ki te pōhewanga tuarangi a Troy Kingi me ngā hiringa rereke a Katchafire ko te kanorau, te korahi me te kounga o ngā kaipuoro Māori o mohoa kei tua o kapenga,” hei tā Vaughan.
“Nei rā te whakamihi ki a koutou e ngā haputa o te ao puoro Māori. Ko te māngari nui ki a koutou!”
Ka whakaingoatia te toa whakaihuwaka i te taonga Ringapuoro Māori 2018 a Te Māngai Pāho, i Ngā Tohu Puoro o Aotearoa tērā ka whakapāohotia ki te hongere Toru a te 15 o Whiringa-a-Rangi, hei te 8.30pm.
Alien Weaponry, Troy Kingi and Katchafire have been announced as finalists for the 2018 Vodafone New Zealand Music Awards’ Te Māngai Pāho Best Māori Artist.
The last year has seen a great contribution to the continued resurgence of te reo Māori in popular culture and music, with the 2018 finalists all representing their own unique aspects of Māori culture. They’re being formally recognised for their outstanding contribution to the music of Aotearoa over the last year.
Hailing from Waipu, Ethan Trembath and brothers Lewis and Henry de Jong (Ngāti Pikiao, Ngāti Raukawa) are Alien Weaponry, a three-piece thrash metal band who were also finalists for this award in 2017.
The band has seen huge success in 2018, releasing their debut album Tū in June and touring through some of Europe’s biggest heavy metal festivals, including the Wacken Open Air Festival in Germany. Alien Weaponry’s single Kai Tangata rocketed to No.1 on the prestigious ‘Devil’s Dozen’ countdown on New York-based Sirius XM.
Kerikeri-based soul singer Troy Kingi (Te Arawa, Ngāpuhi) released his sophomore album Shake That Skinny Ass All The Way To Zygertron in November 2017, an epic funk-infused album taking inspiration from sci-fi soul, interstellar love and 70s cosmic funk.
Beyond the microphone, Kingi is well known for his acting – most notably in Taika Waititi’s 2016 masterpiece Hunt For The Wilderpeople and in Mt Zion alongside 2018 Vodafone New Zealand Music Award host Stan Walker.
2003’s ‘Highest Selling Single’ Tui winners Katchafire have once again cemented their place as one of the world’s best reggae bands. The Hamilton based group are recognised for the success of their sixth album Legacy in 2018.
The line-up of Logan Bell (Tainui, Ngāti Toa Rangatira, Ngāti Koata, Ngāpuhi), Jordan Bell (Tainui, Ngāti Toa Rangatira, Ngāti Koata, Ngāpuhi), Grenville Bell (Tainui, Ngāti Toa Rangatira, Ngāti Koata, Ngāpuhi), Tere Mateora Ngarua (Ngāti Te Wehi, Tamarua, Mangaia), Hani Totorewa, James Ferguson (Ngāti Kahungunu), and Leon Davey (Rereahu, Ngāti Porou) is a staple of the Aotearoa summer playlists and festival circuits.
Recorded Music New Zealand CEO Damian Vaughan says there is incredible Māori talent and ability in the Aotearoa music scene.
“Whether it’s the paired intensity of te reo Māori and Alien Weaponry’s riffs, Troy Kingi’s psychedelic funk-fuelled space odyssey or inspirational reggae from Katchafire, the incredibly diverse scope and quality of today’s Māori artists is remarkable,” says Vaughan.
“Congratulations to all three finalists for this year. We wish you the best of luck!”
The winner of the 2018 Te Māngai Pāho Best Māori Artist will be announced at the Vodafone New Zealand Music Awards which will be broadcast live on Three on 15 November at Spark Arena